Sóknaráætlun Suðurnesja - Heklan
#

Fréttir

Heklan

Sóknaráætlun Suðurnesja

Vilt þú hafa áhrif á hvernig fjármunum á Suðurnesjunum er varið?

Fimmtudaginn 17. október kl. 16-19 fer fram fundur á Park inn Hótel um mótun nýrrar sóknaráætlunar fyrir Suðurnes.

Markmið fundarins er að draga saman áherslur í atvinnu og nýsköpunarmálum, umhverfismálum, menningarmálum og velferðar og samfélagsmálum á Suðurnesjunum og setja fram sértæk og mælanleg markmið tengd þeim.

Afar mikilvægt er að sem flestir hagsmunaaðilar á Suðurnesjum taki þátt í vinnunni en drög að áætluninni verða að lokum sett í opið samráð á vefnum þar sem allir geta tekið þátt.

Sóknaráætlun Suðurnesja er stefnumótandi áætlun þar sem sett er fram stöðumat landshlutans, framtíðarsýn, markmið og aðgerðir til að ná þeim markmiðum. Markmið og áherslur sóknaráætlunarinnar ákvarða svo hvaða áhersluverkefni verða fyrir valinu á Suðurnesjunum auk þess að marka þau úthlutunar viðmið sem ráða úthlutun úr uppbyggingarsjóði Suðurnesja. Árið 2018 fóru til að mynda um 33,5 m.kr. í áhersluverkefni á Suðurnesjunum og um 60,5 m.kr. voru greidd út úr uppbyggingasjóði Suðurnesja.

Skráning hagsmunaaðila fer fram hér