Samráðsfundur um aukið samstarf menntastofnana - Heklan
#

Fréttir

Samráðsfundur um aukið samstarf menntastofnana

Fulltrúar menntastofnana á Suðurnesjum hittust á samráðsfundi í Eldey frumkvöðlasetri í dag til þess að ræða frekara samstarf menntastofnana á svæðinu.Verkefnið er liður í Sóknaráætlun landshluta 2013 og er stýrt af Expectus ráðgjöf sem stýrði greiningu fyrir það verkefni á vegum Sambands sveitarfélaga á Suðurnesjum sl. haust.Í þeirri vinnu kom fram að bæta þarf stöðu menntamála á Suðurnesjum og því mikilvægt að forsvarsmenn menntamála á svæðinu grípi til aðgerða og snúi vörn í sókn. Sveitarfélögin á Suðurnesjum hafa sett sér háleit markmið í því samhengi og hefur stefnan verið sett á að skila ólíkt betri niðurstöðum árið 2020. 
Á samráðsfundinum var farið yfir núverandi stöðu menntamála á svæðinu og tóku fulltrúar þátt í úrbótavinnu.